Өткен жума, шемби, екшемби күнлери Қатарда болып атырған футбол бойынша жәҳән чемпионатындағы бир неше топарларда 2-тур ойынлары болып өтти.
Онда Сенегал сайланды командасы майдан ийелерин 3-1, Австралия болса Тунисти 1-0, Польша Саудия Арабстанын, Франция Данияны, Аргентина Мексиканы, Марокко Бельгияны 2-0, Коста-Рика Японияны 1-0, Хорватия Канаданы 4-1 есабында жеңип шыққан болса, Англия-АҚШ, Германия-Испания, Нидерландия- Эквадор сайланды командалары 1-1 есабында ойнаўға еристи.
Солай етип бул жәҳән чемпионаты күтилмеген ўақыяларға бай болмақта. Бул болса, футбол жанкүйерлери арасында ойынларға деген қызығыўшылықты арттырып, ҳәр қыйлы рекордлардың жаңаланыўына тийкар жаратпақта.
Адилбай Оразов,
Қарақалпақстан хабар агентлиги шолыўшысы