Футбол бойынша Европа чемпионлар лигасының 4-турынан орын алған бир қатар ойынлар өткерилди.
Атап айтатуғын болсақ, А топарында жетекшиликти өз қолына алған «Наполи» «Аякс»ти өз майданында қабыллап, 4-2 есабында жеңиске еристи ҳәм мүддетинен алдын плей-офф жолламасын қолға киргизди.
Ал, «Аякс» болса, 3 упай менен топарда 3-орынды ийелеп келмекте.
В топарында өзиниң әжайып ойынлары менен футбол жанкүйерлерин таңландырып киятырған Бельгияның «Брюгге»си «Атлетико» майданына сапар етип, онда 1 упай алыўға еристи ҳәм олар да плей-офф жолламасын қолға киргизди.
«Атлетико» болса, 4 упай менен 2-орынды ийелеп тур.
Сондай-ақ, бул турда «Ливерпуль» сапарда Шотландияның «Рейнжерс» клубын 7-1 есабында, «Бавария» болса Чехияның «Виктория»сын 4-2 есабында жеңилиске ушыратып, келеси басқыш мәселесин мүддетинен алдын шешиўге еристи.
Ал, Хави басқарыўындағы «Барселона» болса Миланның «Интер» клубы менен күш сынасып, 3-3 нәтийжесин көрсетти.
Атап айтатуғын болсақ, ушырасыўдың 40-минутында Усмон Дембеле гол урып, есапты ашқан болса, 2-таймның 50-минутында Николо Барелла есапты теңлестирди. 63-минутта Лаутаро Мартинес жәрийма майданында «Барселона» қорғаўшыларының қәтеликлеринен нәтийжели пайдаланып, «Интер»ди алдынға алып шықты. 82-минутта «Барселона» ҳүжимшиси Роберт Левандовски арадағы есапты теңлестирген болса, 89-минутта Роберт Госенс өз есабына гол жаздырып италиялы футбол жанкүйерлерин қуўанышқа бөледи.
Бирақ, «Интер»диң бул қуўанышы узаққа созылмады ҳәм ушырасыўға қосып берилген 2-минутта «Барселона»ның польшалы қутқарыўшысы Левандовски дублге ерисип, өз клубына 1 упай алып берди.
А.Оразов,
Қарақалпақстан хабар агентлиги шолыўшысы