Министрлер Кабинети жанындағы Билимлендириўдиң сапасын қадағалаў Мәмлекетлик инспекциясы тәрепинен жоқары билимлендириў мәкемелериниң миллий рейтинги жәрияланды.

Миллий рейтингке кирген 92 жоқары билимлендириў мәкемесиниң жумыс нәтийжелилигине төмендеги 4 бағдардағы 20 индикатор тийкарында баҳа берилди.

– илимий изертлеў жумысы ҳәм билимлендириў-илим-өндирис интеграциясы;

– оқыў-методикалық жумысы ҳәм оқытыў сапасы;

– студентлердиң билими ҳәм питкериўшилердиң сапасы;

– спортты раўажландырыў.

Миллий рейтинг бойынша, ең жоқары нәтийжеге ерискен ЖООлар:

– «Ташкент ирригация ҳәм аўыл хожалығын механизациялаў инженерлери институты» Миллий изертлеў университети;

– Өзбекстан миллий университети;

– Ташкент финанс институты;

– Самарқанд мәмлекетлик университети;

– Наўайы мәмлекетлик кәншилик институты.

Ең төмен нәтийже көрсеткен ЖООлар:

– Термиз инженерлик технология институты;

– Өзбек миллий музыка көркем өнер институты;

– Ферғана жәмийетлик саламатлық медицина институты;

– Термиз агротехнологиялар ҳәм инновациялық раўажланыў институты;

– Қаршы мәмлекетлик университетиниң педагогика институты.

Қарақалпақстан хабар агентлиги