Патшайым Елизавета II 96 жасында Шотландияның Балморал сарайында қайтыс болды. Бул ҳаққында Букингем сарайы рәсмий мағлыўмат берди.
Усы жылдың 6-февраль сәнесинде Елизавета II ниң тахтқа отырғанына 70 жыл толған еди. Сондай-ақ, ол узақ ҳүкимдарлық етиў бойынша тарийхтағы екинши монархқа айланған еди.
Елизавета II өзиниң патшайымлық дәўиринде жүзден зыят мәмлекетке сапар етип, 21 мыңнан аслам илажларға қатнасқан. 4 мың нызамға патшалық санкциясын берген, Лондонға сапар менен келген 112 мәмлекет басшысын қабыл еткен. Оның ҳүкимдарлық дәўиринде Уллы Британияда 15 бас министр, АҚШ та 14 президент алмасқан.
Қарақалпақстан хабар агентлиги