Кегейли районында спорттың шахмат түри бойынша “Жаслар ислери агентлиги кубоги» ушын ҳәўескерлер арасында жарыс өткерилди.
Жарысқа районныӊ барлық аймақларынан шахматқа қызығыўшылар арасында еки категорияға бөлинип қатнасты. Жарыс жуўмағында, ерлер арасында «Қуяшлы» мәкан пуқаралар жыйынынан Дәўлетбай Өмирзақов биринши, «Қумшүӊгил» аўыл пуқаралар жыйынынан Аббаз Сапарбаев, «Халқабад» мәкан пуқаралар жыйынынан Мийирбек Исаков екинши ҳәм үшинши орынларды ийелеўге миясар болды.
Ал, қызлар арасында болса, жаӊабазарлы Ҳүрлиман Жолдасбаева биринши, көкөзекли Малика Мыӊбаева ҳәм қумшүӊгилли Надира Хошмуратовалар екинши ҳәм үшинши орынларды ийеледи.
Жарыс жуўмағында жеӊимпазлар шөлкемлестириўшилер тәрепинен дәрежели Диплом ҳәм естелик саўғалары менен сыйлықланып, жарыстыӊ келеси басқышына жолламаны қолға киргизди.
Адилбай Оразов,
Қарақалпақстан хабар агентлиги шолыўшысы