Автомобильларга ёқилғи қуйиш шаҳобчалари орқали аҳолига сотиладиган пропан ҳамда метан нархлари қимматлашди.
Ўзбeкистон Рeспубликаси Давлат статистика қўмитасининг нархлар статистикаси бошқармаси хабар қилишича, жорий йилнинг май ойида автомобильларга ёқилғи қуйиш шаҳобчалари орқали аҳолига сотиладиган пропан ҳамда метан нархлари мос равишда 5,3 фоиз ва 0,9 фоизга қимматлашди.
Нархларнинг ўсишига ёқилғи-мойлаш материаллари бозори конъюнктурасининг ва улар билан боғлиқ биржа нархларининг ўзгариши натижаси бунга сабаб бўлди.
ЎзА