O’zbekiston delegatsiyasiga ko’ra, mamlakatda bugun inson huquqlari bobida sezilarli ijobiy o’zgarishlar bor. Lekin tizimni va jamiyatni isloh qilish vaqt va mehnat talab qiladi. Qiynoqlar, majburiy mehnat, yulg’ichlik va sistemaik huquqbuzarlik hollarga qarshi kurash boshlangan va u to’xtamaydi. Prezident Mirziyoyevning AQShga rasmiy tashrifi oldidan Vashingtonda kechgan muhokamada “Human Rights Watch” tashkiloti vakili Stiv Sverdlov hukumatni repressiv o’tmishdan saboq olishga, uni tahlil qilib, adolatni ta’minlashga chaqirdi.