Nukusda o‘smirlar o‘rtasida “Bolalar ligasi – 2017” futbol musobaqasi bo‘lib o‘tdi.

Futbolning ommaviyligini oshirish, yoshlarni sportga keng jalb etish maqsadida tashkil etilgan musobaqa 2003-2004 yillarda tug‘ilgan bolalar o‘rtasida o‘tkazildi.

Qoraqalpog‘iston Respublikasi Jismoniy tarbiya va sport davlat qo‘mitasi hamda Futbol federatsiyasi hamkorligida tashkil etilgan musobaqada mintaqaviy bosqichlarda g‘olib bo‘lgan 12 jamoa o‘zaro bahslashdi.

Nukus olimpiya zaxiralari kolleji qoshidagi maktab-internat jamoasi g‘oliblikni qo‘lga kiritdi. Ikkinchi o‘rinni Nukus shahridagi 1-bolalar va o‘smirlar sport maktabi, uchinchi o‘rinni Beruniy tumanidagi 1-bolalar va o‘smirlar sport maktabi jamoalari egalladi.