Қозоғистонда бокс бўйича ўсмирлар ва ёшлар ўртасидаги Осиё чемпионати қизғин баҳсларга бой ўтмоқда. Мазкур мусобақанинг ўсмирлар ўртасидаги ярим финал баҳслари ўз якунига етди.
Унга кўра, Сардорбек Саидакбаров ва Шаҳбозбек Эргашевлар финал йўлланмасини қўлга киритган бўлса, Беҳруз Қурбонов, Иброҳим Ғиёсов, Суҳроб Раҳматуллаев, Шоҳжаҳон Алишеров, Муҳаммадсаид Ғуломов, Норбек Абдуллаев, Жаҳонгир Эргашев ва Муҳаммадризо Алижонов бронза медалига сазовор бўлди.
Маълумот учун, бугун Осиё чемпионатининг ёшлар ўртасидаги ярим финал баҳсларида 8 нафар вакилимиз финал йўлланмаси учун рақобатлашади.
Жавоҳир Тошхўжаев, ЎзА