![](https://cdn.uza.uz/2023/09/13/04/33/nKBtoVgXxsutimT6QeMB2ivUAP9aF1XL_front.jpg)
Хабар берганимиздек, АҚШнинг Атланта шаҳридаги «Мерседес Бенц» стадионида Ўзбекистон миллий терма жамоаси Мексика терма жамоаси билан ўртоқлик ўйинини ўтказди.
ФИФА рейтингида 12-ўринда бораётган Мексика терма жамоасининг 74-қатордан жой олган Ўзбекистон билан учрашуви бир қарашда Америка қитъаси вакилларининг устунлигида кечадигандек эди. Аммо, ҳамюртларимиз океан ортига бекорга келмагани ўйин жараёнида яққол намоён бўлди.
![](https://cdn.uza.uz/2023/09/13/04/33/aear3R0PI7e8z92CKgbkK4ZoTlG3lXuY_front.jpg)
Бир-биридан қизиқарли комбинацион ҳужумларга бой учрашувда жамоалар муроса йўлини танлашди. Ўйин 3:3 ҳисобида якунланди. Терма жамоамиз футболчиларидан Бобир Абдихолиқов, Азизбек Турғунбоев ва Отабек Шукуров Мексика дарвозасига киритилган голларга муаллифлик қилди.
![](https://cdn.uza.uz/2023/09/13/04/33/pNXeFbWxGfpocuY7jY7HEXi7rY75kyQa_front.jpg)
![](https://cdn.uza.uz/2023/09/13/04/33/eT7UfosthrQJhg1diM04CJK8o8phcuYY_front.jpg)
Ўйин давомида терма жамоамиз аъзоларидан Ҳусниддин Алиқулов, Мексика терма жамоаси аъзоларидан Хесус Ангуло ва Жилберто Сепулведа огоҳлантириш олди.
Т.Рўзиев,
ЎзА