Мамлакатимиз кино санъати бир асрдан зиёд тарихга эга бўлиб, ўзига хос тараққиёт йўлини босиб ўтди. Бу давр мобайнида ўзбек киносининг пойдевори яратилиб, у халқимизнинг маданий-маънавий ҳаётида муҳим ўрин эгаллади.

Сўнги йилларда миллий кинематография ривожига қаратилаётган катта эътибор натижасида соҳада муайян ютуқларга эришилди. Мазмун ва шакл жиҳатидан ранг-баранг кино асарлар яратилиб, улар томошабинлар эътиборини қозонди.

Айни вақтда бугун жаҳонда кечаётган глобаллашув жараёнлари, мамлакатимизни модернизация қилиш ва янгилашнинг устувор вазифалари барча соҳа ва тармоқлар қаторида кино санъатини ҳам такомиллаштириш, соҳа ривожи учун янги имкониятлар яратишни талаб этмоқда.

Жорий йилда миллий киноларимиз бир қатор ютуқларга эришди. Янгидан янги жанрларда кинофильмлар яратилди. жанр ва мавзу, балки кинодаги тафаккур доираси ҳам кенгаймоқда.

Ютуқлар ҳам ўзига яраша бўлмоқда. Мисол учун, Япониянинг “DigiCon6 Asia-2020” халқаро қисқа метражли фильмлар фестивалида “Ўзбеккино” Миллий агентлигида саралаб олинган фильмлар қатнашди ва бу ғолиб деб топилди. Ёки “Фариданинг икки минг қўшиғи” “Оскар” ва “Олтин глобус”га даъвогарлар рўйхатидан жой олди.

Танловимизнинг “2020 йилнинг энг яхши тарғибот тадбирлари ташкилотчиси” номинациясида “Ўзбеккино” миллий агентлиги ғолиб деб топилди.

Оқил Ғуломов(сурат), ЎзА