Қайд этиш керакки, анъанавий ташкил этилаётган мазкур танлов биринчи марта 2019 йилда ўтказилган эди.
Ўзбекистон Миллий ахборот агентлиги – ЎзА бугун ўтган 2020 йилнинг энг фаол ва зўр фаолият юритган вазирлик, ташкилот, ҳокимлик ва банкларни аниқлайди! Қисқача айтганда, Ўзбекистонда рамзий маънодаги тўртинчи ҳокимият бу йил иккинчи марта бошқа ҳақиқий ҳокимият эгаларини тақдирлайди.
Танловнинг 1-босқичида ижтимоий сўров асосида “Энг намунали ҳудуд”, “Энг намунали вазирлик”, “Энг намунали давлат ва жамоат ташкилоти” каби номинациялар учун даъвогарлар сараланди. Ижтимоий тармоқлардаги сўровнома якунларига кўра кейинги босқичга ўтган тизимлар аниқланди.
2-босқичда эса, ғолиблар журналист ва блогерлар ўртасида ўтказилган сўровномага асосан аниқланди. Унда 50 нафардан ортиқ журналист ва блогер ўзи мақбул деб топган тизимга овоз берди.
Танловнинг очилишида Ўзбекистон Миллий Ахборот агентлиги Бош директори А.Кўчимов бугунги журналистика, унга эътибор ҳам мазкур танловда ҳам алоҳида акс этганини қайд этди.
Шу тариқа 2020 йилда оммавий ахборот воситаларида энг фаол ёритилган, тизим фаолиятида очиқлик ва шаффофликни намоён этган, халқ билан ишлашда самарали натижаларга эришган давлат ва хўжалик бошқаруви органлари, жамоат ташкилотлари ўртасида анъанавий танлов ғолиблари саралаб олди.
ЎзА