Янги турдаги коронавирусдан тузалиб кетганлар сони дунё бўйича 7 миллион кишидан ошди, деб маълум қилди Жонс Хопкинс университети. (Мазкур тадқиқот маркази федерал ва маҳаллий ҳукумат, шунингдек ОАВ ва бошқа манбалар тарқатган маълумотларни умумлаштириб боради).
Университет маълумотига кўра, ҳозиргача COVID-19 инфекциясидан бутунлай соғайиб кетганлар сони дунё бўйича 7 миллион 5 минг 452 кишига етган. Пандемия 565 минг 178 бемор ҳаётини олиб кетди.
Жаҳон соғлиқни сақлаш ташкилотининг сўнгги маълумотларига кўра, ҳозиргача дунё бўйича жами 12 миллион 720 минг 28 кишининг коронавирусга чалингани аниқланган.
ЎзА