Японияда ақлли ниқоб-таржимон яратилди

Япониянинг робот ишлаб чиқариш билан шуғулланиб келаётган компанияси, эгасининг сўзларини бошқа тилларга таржима қилиб берадиган ниқоб яратди, деб хабар қилади Travel and Leisure.
Ниқоб нафақат эгасини коронавирусдан ҳимоя қилади, балки унинг сўзларини дунёнинг тўққиз тилига таржима қилиб ҳам беради. Инглиз, Француз, Индонезия, Испан, Япон, Хитой, Корейс, Таиланд ва Вьетнам тилларини биладиган ушбу ниқоб илова орқали Bluetoothда смартфонга уланади.
Режага кўра, янги ихтиро сентябрдан сотувга чиқарилади.
Ниқоб даставвал фақат Япониянинг ўзида сотилади, кейинроқ Хитой, Европа ва АҚШ бозорларига чиқарилади. Хабарда таржимон ниқобнинг нархи 40 доллар туриши айтилмоқда.

 

ЎзА