Нукус шаҳридаги “Nukus polimer” масъулияти чекланган жамияти ҳудуддаги йирик саноат корхоналаридан.
2017 йилда ташкил этилган корхона қисқа фурсатда иқтисодий самарадорликка эришиб, ички бозорда мустаҳкам ўрин эгаллади. Корхона йилига 8 минг тонна полиэтилен қувур ишлаб чиқариш қувватига эга. 100 нафарга яқин ёшларнинг доимий бандлиги таъминланган.
Ҳозирда саноат объектида сувга мўлжалланган 16-630 миллиметрлик ҳамда табиий газ учун 63-315 миллиметрлик полиэтилен қувурлар тайёрланиб, ички бозорга етказиб берилмоқда.
Мақсад ҲАБИБУЛЛАЕВ олган суратлар, ЎзА