Ўзбекистоннинг шонли тарихини янгитдан, мукаммал ўрганиш учун оммавий ахборот воситалари, Интернет ресурсларидан кенг фойдаланиш ўта муҳим аҳамиятга эга эканини, ўйлайманки, барчамиз яхши тушунамиз. Шу мақсадда МТРК компанияси таркибида “Ўзбекистон тарихи” каналини ташкил этиб, илмий жамоатчилик, ижодкор зиёлиларимиз билан биргаликда унинг дастурларини пухта шакллантириш керак – деди Президент ўз нутқида.

Бундан ташқари, “Ватанимиз тарихидан лавҳалар” туркумида мунтазам равишда илмий ва илмий-оммабоп китоблар нашр этиб бориш мақсадга мувофиқ, деб ўйлайман.

Президент тарихни ўрганиш масалларига тўхталар экан мамлакатимиз музейларида сақланаётган тарихий экспонатларни тўлиқ хатловдан ўтказиш, ҳар бир музейнинг каталогини яратиш лозимлигини таъкидлади.

Вазирлар Маҳкамасига бир ой муддатда ушбу вазифаларни амалга ошириш учун тегишли чора-тадбирлар ишлаб чиқиш вазифаси юклатилди.

Мурожаатнома давом этмоқда.