Жорий йилнинг апрель ойида Буюк Британиянинг пойтахти Лондон шаҳрида Ўзбекистон Республикаси Тикланиш ва тараққиёт жамғармаси, “Ўзбекнефтгаз” акциядорлик жамияти ва Британиянинг экспорт молиялаштириш агентлиги (UKEF) ўртасида мамлакатимиз нефть ва газ саноати соҳасидаги инвестицион лойиҳаларни 1,25 миллиард фунт стерлинг миқдорида молиялаштириш бўйича меморандум имзоланган эди.
Мазкур ишлар давоми ўлароқ, “Ўзбекнефтгаз” акциядорлик жамияти раҳбарияти Британиянинг экспорт молиялаштириш агентлиги бош ижрочи директори жаноб Луи Тейлор билан ўтказилган учрашувда UKEFнинг акциядорлик жамияти томонидан амалга оширилаётган инвестицион лойиҳаларни молиялаштириш бўйича иштироки муҳокама этилди.
Унда жамият фаолияти, нефть ва газ саноатидаги инвестицион лойиҳалар ҳақида маълумотлар тақдим этилар экан, бунда томонлар Буюк Британиянинг UKEF агентлиги молиялаштиришни таъминлашнинг асосий тартиб ва талаблари ҳақида ҳам сўз юритилди.
Якунда икки томон қўшма режаларни амалга ошириш бўйича кейинги қадамлар борасида келишиб олди.
Насиба Зиёдуллаева, ЎзА