Олий Мажлис Сенатининг ўн олтинчи ялпи мажлисида Сенат раиси Ниғматилла Йўлдошев маъруза қилмоқда.
Маърузада Президентимиз ташаббуси билан ўтган йили Сенат ялпи мажлисида мажбурий меҳнат, хусусан, болалар меҳнатининг барча шаклларига сўзсиз барҳам бериш билан боғлиқ масала муҳокама этилганига эътибор қаратилди. Ушбу йўналишдаги ишларни мувофиқлаштириб бориш бўйича парламент комиссияси тузилган эди.
Натижада бугунга келиб Ўзбекистонда мажбурий меҳнат, айниқса, болаларни ноқонуний равишда меҳнатга жалб этишнинг барча кўринишига тўлиқ барҳам берилди, дейиш учун барча асослар бор.
Юртимиздаги мавжуд амалиёт, Халқаро меҳнат ташкилотининг хулосалари, шунингдек, Америка Қўшма Штатлари томонидан Ўзбекистон пахта маҳсулотларининг болалар меҳнати орқали етиштирилган маҳсулотлар рўйхатидан чиқарилгани бунинг ёрқин далилидир.
Н.Абдураимова, ЎзА