Миллий ҳоккей лигасида янги мавсум олдидан бир қатор кўргазмали учрашувлар ўтказилмоқда. Ушбу баҳсларда “Тампа-Бэй“ жамоаси “Флорида“ клубига қарши ўйин ўтказиб 2:3 ҳисобида мағлуб бўлди.
Афсуски, мазкур ўйин “Тампа-Бэй“ аъзоси россиялик Никита Кучеров учун омадли ўтмади. Ўйинда 5 дақиқа 6 секунд ўйнашга улгурган Никита, шайба учун ўтган курашда муз устига ноқулай йиқилди ва танасининг пастки қисмидан жароҳат олиб, музни тарк этди.
Ўйиндан сўнг, жамоа бош менежери Жюльен Брисбуа унинг жароҳати жиддий эмаслиги, у эҳтиёткорлик чораси сифатида ўйиндан олингани ҳақида тўхталиб ўтди.
Жавоҳир Тошхўжаев, ЎзА