Хоккей бўйича Қозоғистон очиқ чемпионати доирасида “Ҳумо” ва “Номад” жамоалари ўртасида ўйин ўтказилди. Ушбу учрашув мунтазам чемпионатдаги учинчи ўйин бўлди.

Пойтахтимиздаги “Алпомиш” муз саройида ташкил этилган “Ҳумо” ва “Номад” жамоалари баҳси 5:1 ҳисобида якунланди. “Ҳумо”га ғалаба келтирган голларни Сергей Шиков, Александр Коннов, Вадим Кравченко, Иван Чурюканов ва Егор Дорофеев киритган бўлса, рақиб жамоанинг ягона голига Никита Колобов муаллифлик қилди.

Бугун, 30 ноябрь куни ушбу жамоаларнинг сўнгги, тўртинчи ўйини бўлиб ўтади. Мазкур беллашув Тошкент вақти билан соат 19:30 да, “Алпомиш” муз саройида ўтказилади.

Жавоҳир Тошхўжаев, ЎзА