Xokkey bo‘yicha Qozog‘iston ochiq chempionati doirasida “Humo” va “Nomad” jamoalari o‘rtasida o‘yin o‘tkazildi. Ushbu uchrashuv muntazam chempionatdagi uchinchi o‘yin bo‘ldi.

Poytaxtimizdagi “Alpomish” muz saroyida tashkil etilgan “Humo” va “Nomad” jamoalari bahsi 5:1 hisobida yakunlandi. “Humo”ga g‘alaba keltirgan gollarni Sergey Shikov, Aleksandr Konnov, Vadim Kravchenko, Ivan Churyukanov va Yegor Dorofeyev kiritgan bo‘lsa, raqib jamoaning yagona goliga Nikita Kolobov mualliflik qildi.

Bugun, 30 noyabr kuni ushbu jamoalarning so‘nggi, to‘rtinchi o‘yini bo‘lib o‘tadi. Mazkur bellashuv Toshkent vaqti bilan soat 19:30 da, “Alpomish” muz saroyida o‘tkaziladi.

Javohir Toshxo‘jayev, O‘zA