Бугун, 7 сентябрь куни Осиё футбол конфедерациясининг Куала-Лумпурдаги қароргоҳида футбол бўйича аёллар клублари ўртасидаги Осиё чемпионлар лигаси учун қуръа ташлаш маросими ташкил этилди.
Қуръа натижаларига кўра, Қаршининг «Севинч» клуби “Насаф” номи остида саралаш босқичининг «B» гуруҳидан ўрин эгаллади.
Эслатиб ўтамиз, ОФК клублари ўртасидаги аёллар чемпионатида 8 та жамоа иштирок этади. Чемпионат 6-12 ноябрь кунлари Ўзбекистон ва Таиланд футбол майдонларида бўлиб ўтади.
Т.Рўзиев,
ЎзА