Хабар берганимиздек, айни кунларда Иорданиянинг Амман шаҳрида спорт курашлари бўйича ёшлар ўртасидаги Осиё чемпионати давом этмоқда.
Ортда қолган кунларда чемпионат дастуридан ўрин олган қизлар ўртасидаги беллашувлар бўлиб ўтди.
Поёнига етган шиддатли курашлар сарҳисобига кўра, терма жамоамиз аъзолари 2 та кумуш ва 5 та бронза медалини қўлга киритишди.
Терма жамоамиз аъзоларидан Дилшода Матназарова ва Сарвиноз Жиембаева кумуш, Улмекен Эсенбаева, Нигина Собирова, Гулмира Айтмуратова, Мардона Қадамова ва Валентина Тўраниязова бронза медалига сазовар бўлишди.
Ушбу натижалар сабабли юртдошларимиз очколар бўйича Ҳиндистон ва Япония термаларидан кейин учинчи ўринни эгаллашди.
Т.Рўзиев,
ЎзА