Хитойнинг Бирлашган Миллатлар Ташкилотидаги доимий вакили Чжан Цзюнь НАТОнинг Пекинга қарши айбловларини қатъиян рад этди ва Шимолий Атлантика альянсининг қадами қаерга етмасин, ўзидан кейин салбий из қолдирадиган “барча муаммоларнинг манбаи” эканини таъкидлади.
Вильнюс саммити якуний ҳужжатида Альянс мамлакатлари Хитой ядро арсеналини кўпайтиришидан хавотирда экани ва уларнинг фикрича, Пекиннинг ядровий қурол назорати соҳасидаги саъй-ҳаракатлари етарли эмаслигидан далолат бериши айтилган.
-НАТО ўзини мудофаа иттифоқи, деб атайди, лекин аъзоларини доимий равишда ҳарбий харажатларни кўпайтириш, бутун дунё бўйлаб ҳарбий фаолиятни амалга оширишга ундайди.Бошқа давлатларнинг ички ишларига аралашиб, урушларни қўзғайди ва ҳамма жойда кир из қолдиради.
Сон-саноқсиз фактлар НАТО муаммоларнинг ҳақиқий манбаи эканлигини кўрсатади, деди Чжан Цзюнь.
Хитой дипломати таъкидлашича, НАТОнинг айрим давлатлари икки томонлама стандартларни қўллайди, мамлакатларда қурол жойлаштиради ва минтақавий кескинликни кучайтиради.
“НАТО ўз қадриятларини қайта кўриб чиқиши керак”, деб хулоса қилади хитойлик дипломат.
ЎзА