Маълумки, жорий йилнинг 23 сентябрь – 8 октябрь кунлари Хитойнинг Ханчжоу шаҳрида 19-Осиё ўйинлари бўлиб ўтади.
Айни кунларда мазкур ўйинларнинг тантанали очилиш, ёпилиш маросимлари ҳамда алоҳида спорт турларини томоша қилиш учун ташкилий қўмита томонидан чипталар сотуви йўлга қўйилган.
Бугунгача бир қатор тадбирларнинг чипталари ўз эгалари қўлига етиб борди.
Кеча «Ханчжоу-2022» ўйинларининг ташкилий қўмитаси кураш мусобақалари учун чипталар онлайн сотувга чиқарилганини эълон қилди. Ҳайратланарли жиҳати, ўйинлар доирасида ўтадиган 3 кунлик миллий спорт туримиз кураш мусобақаларининг чипталари 20 дақиқа ичида сотиб бўлинди.
Т.Рўзиев, ЎзА