Ma’lumki, joriy yilning 23 sentyabr – 8 oktyabr kunlari Xitoyning Xanchjou shahrida 19-Osiyo o‘yinlari bo‘lib o‘tadi.
Ayni kunlarda mazkur o‘yinlarning tantanali ochilish, yopilish marosimlari hamda alohida sport turlarini tomosha qilish uchun tashkiliy qo‘mita tomonidan chiptalar sotuvi yo‘lga qo‘yilgan.
Bugungacha bir qator tadbirlarning chiptalari o‘z egalari qo‘liga yetib bordi.
Kecha “Xanchjou-2022” o‘yinlarining tashkiliy qo‘mitasi kurash musobaqalari uchun chiptalar onlayn sotuvga chiqarilganini e’lon qildi. Hayratlanarli jihati, o‘yinlar doirasida o‘tadigan 3 kunlik milliy sport turimiz kurash musobaqalarining chiptalari 20 daqiqa ichida sotib bo‘lindi.
T.Ro‘ziyev, O‘zA