Халқаро туризмни ривожлантириш ва Ўзбекистонга хорижий саёҳатчилар оқимини ошириш мақсадида жорий йилда “Ўзтемирйўлйўловчи” АЖ ҳамда Германиянинг “Lernidee Erlebnisreisen” сайёҳлик компанияси билан ҳамкорликда 10 га яқин туристик чартер поездлар ҳаракатланиши режалаштирилган.
Шу муносабат билан куни кеча пойтахтимиздаги Тошкент марказий темирйўл вокзалида “Orient Silk Road Express” номи остида дастлабки халқаро сайёҳлик чартер поезди ўз қатновини бошлаб берди.
“Тошкент – Бухоро – Хива – Самарқанд – Қамаши – Китоб – Туркистон – Бишкек – Олма-Ота” йўналишида ҳаракатланаётган мазкур поездда Норвегия, Швецария, Франция, Германия, Буюк Британия, АҚШ ва бошқа мамлакатлардан келган саёҳатчилар гуруҳи ўрин олган.
Биз фурсатдан фойдаланиб, хорижлик йўловчи сайёҳлардан сафар олди фикрларини ёзиб олдик.
Бу ҳақда батафсил ЎзАнинг YouTube каналида танишишингиз мумкин.
Ўткир Алимов,
Ёқуб Мелибоев (видео), ЎзА