Нукус шаҳри, “Темир йўл” маҳалла фуқаролар йиғини 22-кичик туманида жойлашган 8/1-сонли 4 қаватли турар жой биносида хонадонларнинг бирида 2023 йилнинг 29 январь куни содир бўлган портлаш оқибатида ҳалок бўлганлар 5 нафарга етди.
Воқеа жойида Қорақалпоғистон Республикаси Фавқулодда вазиятлар бошқармаси қутқарув хизмати томонидан 5 нафар фуқаронинг жасади олиб чиқилган. Ходимлар 5 ёшли қизалоқни қутқариб қолди, у шифохонага ётқизилди. Соғлиқни сақлаш вазирлиги томонидан қутқарилган фуқароларнинг соғлиги назоратга олинган. Қидирув-қутқарув ишлари давом этмоқда.
Мазкур ҳолат юзасидан Қорақалпоғистон Республикаси прокуратураси томонидан Ўзбекистон Республикаси Жиноят кодексининг 259-моддаси 2-қисми “б” банди билан жиноят иши қўзғатилиб, тергов ҳаракатлари олиб борилмоқда.
Довуд Абибуллаев, ЎзА