Elimiz g`a`rezsizliginin` 26 jıllıg`ı mu`na`sibeti menen O`zbekistan Respublikası Prezidenti Shavkat Mirziyoevtın` atına shet el ma`mleketleri ha`m hu`kimetleri, abıroylı xalıqaralıq sho`lkemlerdin` basshılarınan shın ju`rekten qutlıqlawlar keliwin dawam etpekte. Olarda ma`mleketimiz basshısına ıg`bal-baxıt, amanlıq ha`m tabıslar, O`zbekistan xalqına tınıshlıq-tatıwlıq, rawajlanıw ja`ne abadanlıq tilep, shın ju`rekten jaqsı tilekler bildirgen.
O`zbekistan Respublikası Prezidenti
Ullı Ma`rtebeli Mırza Shavkat Mirziyoevqa
Hu`rmetli Shavkat Miromonovich!
Sizdi ha`m Sizin` tımsalın`ızda tuwısqan o`zbek xalqın O`zbekistan Respublikası G`a`rezsizlik ku`ni mu`na`sibeti menen Tu`rkmenistan xalqı, hu`kimeti ha`m o`zimnin` atımnan shın ju`rekten qutlıqlayman ha`m en` jaqsı tileklerimdi jollayman.
Tu`rkmenistan menen O`zbekistan arasında barlıq bag`darlar, sonın` ishinde, siyasiy, sawda-ekonomikalıq, ja`miyetlik, ma`deniy-gumanitarlıq ha`m basqa da salalardag`ı qatnasıqlar joqarı da`rejede ekenin ha`m bul baylanıslar izbe-iz rawajlanıp, ja`ne de bekkemlenip atırg`anlıg`ın qanaatlanıwshılıq penen atap o`temen. Ellerimizdin` ma`mleketleraralıq so`ylesiwdi bunnan bılay da ken`eytiwge bolg`an iseniman ko`z-qaras xalqlarımızdın` ma`pine saykes bolıp tabıladı.
Hu`rmetli Shavkat Miromonovich, usı qolaylı pursattan paydalınıp, Sizge bekkem densawlıq, ıg`bal-baxıt, tabıslar, tuwısqan O`zbekistan Respublikası xalqına tınıshlıq ha`m bunnan bılay da abadanlıq tileymen.
Shın ju`rekten hu`rmet penen,
Gurbanguli BERDIMUHAMEDOV,
Tu`rkmenistan Prezidenti
***
O`zbekistan Respublikası Prezidenti
Ullı Ma`rtebeli Mırza Shavkat Mirziyoevqa
Hu`rmetli Shavkat Miromonovich!
Sizdi ha`m Sizin` tımsalın`ızda pu`tkil O`zbekistan xalqın O`zbekistan Respublikasının` milliy bayramı – G`a`rezsizlik ku`ni mu`na`sibeti menen o`zim ha`m A`zerbayjan xalqı atınan shın ju`rekten qutlıqlayman.
Tuwısqan O`zbekistannın` g`a`rezsizlikti ha`m ma`mleketshilikti bekkemlew jolınan isenimli baratırg`anı, sotsiallıq-ekonomikalıq ha`m ma`deniyat salalarında erisip atırg`an tabısları bizlerdi ju`da` quwandıradı.
A`zerbayjan ha`m O`zbekistandı a`zelden doslıq ja`ne birge islesiw qatnasıqları baylanıstırıp turadı. O`z-ara isenim ha`m qollap-quwatlawg`a tiykarlang`an qatnasıqlarımız xalıqlarımızdın` erk-ıqrarı menen bunnan bılay da rawajlanıp, ele de bekkemlenip baratug`ınına isenemen.
Hu`rmetli Shavkat Miromonovich, pursattan paydalınıp, Sizge ha`m barlıq O`zbekistan musılmanlarına mu`ba`rek Qurban hayıtı mu`na`sibeti menen jısh ju`rekten shıqqan tileklerimdi jollayman. Sizge bekkem densawlıq, ıg`bal-baxıt, O`zbekistan xalqının` abadanlıg`ı jolında ma`mleket basshısı lawazımındag`ı juwapkershilikli jumısın`ızda tabıslar tileymen.
Hu`rmet penen,
Ilhom ALIEV,
A`zerbayjan Respublikası Prezidenti
***
O`zbekistan Respublikası Prezidenti
Ullı Ma`rtebeli Mırza Shavkat Mirziyoevqa
Hu`rmetli Mırza!
Sizge O`zbekistan Respublikasının` Milliy bayramı mu`na`sibeti menen en` jaqsı qutlıqlawlarımdı jollayman ha`m O`zbekistan xalqına bunnan bılay da rawajlanıw ha`m abadanlıq tileymen.
Siz sıyaqlı men de ma`mleketlerimiz arasındag`ı birge islesiwdi ja`ne de bekkemlew ta`repdarıman ha`m Frantsiya tımsalında tiykarg`ı sherikti ko`rip atırg`anın`ızdan qanaatlanaman.
Son`g`ı aylarda Frantsiya ha`m O`zbekistan qatnasıqlarına jan`a pa`t baqlanbaqta. Atap aytqanda, usı jıldın` basınan berli ellerimiz arasında u`sh ma`rte joqarı da`rejede delegatsiyalardın` sapar etiwi a`melge asırılg`anının` na`tiyjesi bolıp tabıladı. Onda jeke Siz belsene qatnasıp atırg`anın`ızdan xabardarman ha`m onı joqarı qa`dirleymen. Siz Samarqandtag`ı joybar boyınsha qol qoyg`an qarar Frantsiya rawajlanıw agentligine elin`izde o`zinin` birinshi a`hmiyetli jumısın a`melge asırıw imkaniyatın beredi. Bul ushın Sizden minnetdarman.
Siz benen da`slepki a`meliy so`ylesiwlerimizdi o`tkeriw ushın Parijde ushırasıwdan quwanıshqa bo`lenemen. Bul ushırasıw ma`mleketlerimiz terrorizm ha`m ıqlımnın` global o`zgeriwi sıyaqlı ulıwmalıq mashqalalar menen qarsı kelgen bir waqıtta siyasiy so`ylesiwimizdi bekkemlewge xızmet etedi.
Sonday-aq, bul ushırasıw ekonomikalıq baylanıslarımızdın` rawajlanıwına jan`a ku`sh bag`ıshlaydı.
Sonın` menen birge, ma`deniyat ha`m bilimlendiriw salalarında o`z-ara qatnasıqlar da u`lken perspektivag`a iye. Atap aytqanda, Luvrda ko`rgizbe sho`lkemlestiriw joybarı, Tashkent qalasındag`ı frantsuz mektebinin` jumısın rawajlandırıw, Samarqand ha`m Buxara qalalarında «Frantsuz al`yansı» filialların ashıw perspektivaların na`zerde tutpaqtaman.
Sizin` doslıq qatnasıqlarımızdı bunnan bılay da bekkemlew jolındag`ı ha`reketlerimizdi belsene qollap-quwatlaytug`ının`ızg`a isenemen.
Hu`rmetli Prezident, Sizge bolg`an teren` hu`rmetimdi qabıl etkeysiz.
Emmanuel MAKRON
Frantsiya Respublikası Prezidenti
Sonday aq, to`mendegiler o`z qutlıqlawların jollag`an:
Yaponiya Imperatorı Akixito
Oman Sultanı Qobus bin Said
Shvetsiya Patshası Karl Gustav XVI
Vengriya Prezidenti Ader Yanosh
Bolgariya Respublikası Prezidenti Rumen Radev
V`etnam Sotsialistlik Respublikası Prezidenti Chan Day Kuong
Birlesken Arab A`mirlikleri Prezidenti Xalifa bin Zoid Ol Nahayon
Birlesken Arab A`mirlikleri Vitse-prezidenti, Bas ministri, Dubay A`mirligi ha`kimi Muhammad bin Roshid Ol Maktum
Birlesken Arab A`mirlikleri Qurallı ku`shleri Bas sa`rkardasının` orınbasarı, Abu Dabi A`mirligi miyrasqorı Muhammad bin Zoid Ol Nahayon
Portugaliya Respublikası Prezidenti Marselo Rebelo de Souza
Gretsiya Respublikası Prezidenti Prokopis Pavlopulos
Chexiya Respublikası Prezidenti Milosh Zeman
Yaponiya hu`kimdar Liberal-demokratiyalıq partiyasının` Bas xatkeri Toshixiro Nikai
Evropa parlamenti deputatı Ful`vio Martushello
Evropa Awqamının` Oraylıq Aziya boyınsha arnawlı wa`kili Piter Burian
Qutlıqlawlardın` keliwi dawam etpekte.