Beruniy rayonında jańa jıl aldınan bazlarlarda azıq-awqat bahalarınıń turaqlılıǵın hám qáwipsizligin támiyinlew maqsetinde azıq-awqat ónimleri sawda yarmarkası shólkemlestirildi. Usı yarmarkalarda satıwǵa alıp shıǵılǵan ónimlerdiń qáwipsizligin támiyinlew hám záhárleniw jaǵdaylarınıń aldın alıw eń áhmiyetli wazıypalardıń biri esaplanadı.
Sonlıqtan Sanitariyalıq baqlaw hám tınıshlıq orayı Beruniy rayonlıq bólimi qánigeleri tárepinen jańa jıl bayramın puqaralardıń zıyansız ótkeriwi ushın shólkemlestirilgen yaramrkalardaǵı ónimlerdiń sapası, balalar ushın tayarlanǵan sawǵalardıń jaramlılıq múddetleri baqlawdan ótkerilmekte.
Sonday-aq, xalıq arasında awqattan záhárleniw hám botulizm kesellikleriniń kelip shıǵıwınıń aldın alıw maqsetinde túrli túrdegi ónimlerdiń sapa hám qáwipsizlik kepilligi, saqlaw múddetleri, paydalanıw jaramlılıǵı boyınsha úyreniw jumısları alıp barıldı. Maqset -xalıqtıń sanitariyalıq mádeniyatın arttırıw, ótkir juqpalı ishek hám elementar keselliklerdiń hám awqattan záhárleniw jaǵdaylarınıń aldın alıwdan ibarat.
Qaraqalpaqstan xabar agentligi