Jańa jıl balajanlardıń súyikli bayramı. Bul bayramda olar qıyalındaǵı ertek qaharmanları menen ushırasıp, Ayaz atadan sawǵalar alıwdı kútip jasaydı. Sonlıqtan da bayramda olardıń keypiyatın kóterip, sawǵalar beriw jası úlkenler ushın jılda ádetke aylanǵan.
Beruniy rayonında jańa jıl bayramı quwanıshları baslanıp, orınlarda kóterińki ruwxta ótkerilmekte. Rayon hákimi Ikram Xidirov hám sektor basshıları rayondaǵı 1- hám 2-sanlı shańaraqlıq balalar úyindegi balalardan xabar alıp, olardı bayram menen qutlıqlap Prezident sawǵasın tapsırdı. Balalar Prezidentimizdiń atalarsha ǵamqorlıǵınan quwanıshqa bólenip, bayram keypiyatına bólendi.
Qaraqalpaqstan xabar agentligi