Ózbekstan Respublikası Ministrler Kabinetiniń 2015-jıl 9-dekabrdegi 118-sanlı májilis bayanlamasına tiykarlanıp, paytaxtımızdaǵı Beruniy kóshesinde, yaǵnıy, «Istiqlol» balalar dem alıw orayınan Arqa-Batıs áskeriy okrugine shekemgi 3850 metrlik aralıqta iri ońlaw jumıslarınıń alıp barılıwı rejelestirilgen edi.

Bul boyınsha jumıslar óz waqtında shólkemlestirilip, «Injiniring kompaniyası» menen shártnama dúzilip, jumıstı bólip alıp islewshi «Transqurılıs» JShJ tárepinen 2016-jıldıń iyul ayınan baslap jumıslar baslap jiberildi. Obekttiń ulıwma bahası 16 milliard 823 million sum.

Búgingi kúnge shekem 3550 metrlik aralıqtı asfaltlaw ámelge asırılǵan.

-Ásirese, Tórtkúl gúzarınan balalar dem alıw baǵına shekemgi aralıqtıń asfaltlanǵanı hámmeni quwandırmaqta. Sebebi, burın bul joldıń oylı-shuqır, shań-tozańlı bolǵanlıǵı sebepli avtotransportlardıń kópshiligi, 5-6 kilometr alısta bolsa da, 108-burılıstan aylanıp júriwge háreket etetuǵın edi,-deydi sol aymaqtıń turǵını R.Nietullaev.

Bul baǵdardaǵı jumıslar dawam etpekte.

Qaraqalpaqstan xabar agentligi.