Ózbekistan Respublikası Avtomobil jolları mámleketlik komiteti quramında jańa Taqıyatas jol qurılıs-ońlaw kárxanası óz jumısın basladı.
-Ózbekistan Respublikası Prezidentiniń 2017-jıl 14-fevraldaǵı «Ózbekistan Respublikası Avtomobil jolları mámleketlik komiteti hám Ózbekistan Respublikası Ministrler Kabineti janındaǵı Respublikalıq jol qorı jumısın shólkemlestiriw haqqında»ǵı qararınıń orınlanıwın támiyinlew baǵdarında shólkemlestirilgen jámáátimizdiń atqaratuǵın tiykarǵı wazıypası, Nókis qalasında hám Taqıyatas rayonı aymaqlarındaǵı avtomobil jollarında qurılıs-ońlaw jumısların alıp barıwdan ibarat,-deydi kárxana direktorı Allayar Djamatov.-Jámi 60 tan aslam adam miynet etetuǵın kárxanamız 23 túrli markadaǵı texnika menen támiyinlengen. Bıyılǵı jılı paytaxtımızdaǵı I.Kárimov, Erlanov, Q.Ayımbetov kóshelerinde kapital ońlaw, Nókis qalası menen Taqıyatas rayonınıń ishki jollarında ońlaw jumısların alıp barıw rejelestirilgen.
Qaraqalpaqstan xabar agentligi.