Elimizde tarawlardı rawajlandırıw, xalıqtıń turmıs sharayatın jaqsılaw boyınsha alıp barılıp atırǵan jumıslar orınlarda dawam etip, iygilikli maqsetler jolındaǵı unamlı isler kózge taslanbaqta.

Ózbekstan Respublikası Prezidentiniń 2023-jıl 21-dekabrdegi «Máhálle institutınıń jámiyettegi rolin túp-tiykarınan jaqsılaw hám onıń xalıqtıń mashqalaların sheshiwde birinshi buwın sıpatında islewin támiyinlewge qaratılǵan ilajlar haqqında» ǵı pármanına tiykarlanıp, fizikalıq táreplerden alınǵan múlk hám jer salıǵı boyınsha óndirilgen qárejetlerdiń 10 procentin máhállede qaldırıw belgilengen edi. Bul qarejetler esabınan Beruniy rayonı «Tınıshlıq» awıl puqaralar jıyını aymaǵına kirip keliwdegi dárwaza qayta ońlandı. Usı dárwaza 1982-jılda qurılǵan bolıp, házirgi waqıtta zamanagóy kóriniske alıp kelindi.
«Tınıshlıq» awıl puqaralar jıyınında jasawshı puqara Jurabek Еrmanov óziniń isbilermenlik jumısların jolǵa qoyıp, hákim járdemshisiniń kómegi menen 66 mln sum jeńilletilgen kredit alıp, Tashkent wálayatınan 17 qaramal alıp kelip, eki puqaranı jumıs penen támiyinledi.
Áliysher Erimbetovtıń múrájatına tiykarlanıp, hákim járdemshisi tárepinen onıń shańaraǵına subsidiya esabınan 1 sotıxlı ıssıxana qurıp berildi. Bunıń nátiyjesinde usı puqaranıń shańaraǵı qosımsha 15-20 mln sum dáramatqa iye bolatuǵın boldı. Sonday-aq, juwapkeri qánigeler tárepinen bayram múnásibeti menen jası úlkenlerdiń jaǵdaylarınan xabar alındı.

Qaraqalpaqstan xabar agentligi