«Áziz watanlaslar, hár kúnińiz Nawrız bolsın!» degen ideyanı ózinde jámlegen Nawrız ulıwmaxalıqlıq bayramın múnásip belgilew maqsetinde respublikamızda bayram aldı bir qatar ilajlar ámelge asırılmaqta.

Nawrız ulıwmaxalıqaralıq bayramı múnásibeti menen respublikamızdıń barlıq qala hám rayonlarında, xalıq arasında ruwxıy-aǵartıwshılıq hám mádeniy ilajlarda qatnasıwshı úgit-násiyatlaw toparı aǵzaları jumıs basladı.

Toparı aǵzaları quramı alımlardan, dóretiwshi hám kórkem óner ǵayratkerlerinen ibarat.

– 14-mart kúninen baslap úgit-násiyatlaw toparı aǵzaları Kegeyli, Shomanay, Ámiwdárya rayonlarında boldıq, 15-mart kúni bolsa, respublikamızdıń Moynaq, Qaraózek, Beruniy rayonlarında bolıp, ol jerdegi balalar muzıka hám kórkem óner mektebinde, rayonlardıń alıs awıllarında bolıp, xalıq penen ushırasıp, olarǵa Nawrız bayramnıń ózine tán ózgesheligi, áhmiyeti, tariyxı haqqında Tashkent qalasınan kelgen professor-alımlar xalıqqa keń túrde maǵlıwmat bermekte, – deydi Respublikalıq ruwxıy-aǵartıwshılıq orayı Qaraqalpaqstan Respublikalıq bóliminiń baslıǵı Q.Yusupov. Xalqımızǵa Tashkent qalasınan kelgen, sonday-aq, qaraqalpaq estrada qosıqshıları atqarıwında yoshlı qosıqlar názerine usınılmaqta. Olarǵa bayram keypiyatın inam etpekte.

Úgit-násiyatlaw toparı aǵzaları 17-mart kúni Qanlıkól, Taxtakópir, Ellikqala rayonlarında, 18-mart kúni Xojeli, Taqıyatas, Nókis rayonlarında, al, 19-mart kúni paytaxtımızda boladı.

Hár bir rayonda úgit-násiyatlawshılar qatnasıwında ilajlar ótkerilmekte. Oǵan jaslar, mákan puqaralar jıyınlarınan, rayonlıq qárxana shólkemleri aǵzaları qatnaspaqta.

Qaraqalpaqstan xabar agentligi