«Shet el hám jergilikli ǴXQlarda joqarı huqıqıy aqıl-oydı, insan huqıqları mádeniyatın, jámiyetlik qadaǵalawdıń innovaciyalıq túrin hám mexanizmlerin keńnen úgit-násiyatlaw» temasında mámleketlik grantlar ajıratıw ushın

tańlaw

JÁRIYaLAYDÍ

Tańlawǵa mámleketlik emes kommerciyalıq emes shólkemler, ǵalaba xabar quralları hám puqaralıq jámiyetiniń basqa da institutlarınıń tómendegi maqsetlerin názerde tutqan sociallıq áhmiyetke iye joybar-buyırtpaları qabıl etiledi:

Elimiz parlamenti qabıl etken jańa nızamlardıń, Prezident pármanlarınıń, qararlarınıń tiykarǵı máselelerin keń xalıq qatlamına jetkeriwdiń nátiyjeli innovaciyalıq túrin hám mexanizmlerin jaratıw.
Nızamlardıń insanlar turmısına real tásir dárejesin hám xalıq penen pikirlesiwdiń jańa usılların, nızamlardıń jámiyetlik qatnasıqlardı tikkeley tártipke salıwdaǵı rolin hám áhmiyetin joqarılatıwdıń innovaciyalıq túrlerin engiziw.
Elde ámelge asırılıp atırǵan reformalardıń mazmunın hám áhmiyetin keń jámiyetishilikke jetkeriwdiń innovaciyalıq túrlerin ámeliyatqa kirgiziwge kómeklesiw.
Jámiyette joqarı huqıqıy mádeniyattı, nızamǵa hám insan huqıqlarına húrmet qatnasıǵın qáliplestiriw boyınsha birge islesiwdegi baǵdarlamalardı nátiyjeli ámelge asırıw.
Nızam joybarlarınıń ekspertlik hám jámiyetlik dodalawların shólkemlestiriw, atap aytqanda, arnawlı telekórsetiw hám radioesittiriwler shólkemlestiriw, internet hám baspa basılımlarında maqalalar basıp shıǵarıw.
Mámleketlik uyımlar menen birgelikte ǴXQlardaǵı materiallardıń professionallıq, ideologiyalıq hám kórkemlik dárejesin joqarılatıw baǵdarlamaların ámelge asırıw.
Jas jurnalistler hám texnik xızmetkerlerdiń sheberligin hám de dóretiwshilik belsendiligin joqarılatıwda sociallıq sheriklikti kúsheytiw.
ǴXQ lardıń puqaralar, ásirese, jaslardıń jámiyetlik siyasiy, ruwxıy ádep-ikramlılıq, sociallıq-huqıqıy sanasına unamlı tásirin kúsheytiw.
Kommunallıq, sawda hám xızmet kórsetiw, ulıwma awqatlanıw tarawlarında tutınıwshılardıń huqıqların támiyinlew hám jámiyetlik qadaǵalawdıń innovaciyalıq túrlerin júzege shıǵarıw.
«Mámleketlik uyımlar xalıq xızmetinde» súreni astında jámiyette huqıqıy mádeniyattı hám xalıqtıń huqıqıy sanasın joqarılatıwǵa, nızamǵa húrmet, jınayatqa ayawsızlıq sezimin kúsheytiwge kómeklesiw.
Mámleketlik uyımlarda múrájatlar menen islew sistemasın jetilistiriw, insan huqıqların, erkinliklerin hám nızamlı máplerin támiyinlew.
Erte hám jaqın tuwısqanlar arasındaǵı nekeniń unamsız aqıbetlerin ǴXQ larda keńnen sáwlelelendiriw.
Hayal-qızlar hám balalardıń huqıqların, nızamlı máplerin támiyinlew, olardı sociallıq-huqıqıy hám sociallıq-ruwxıy qollap-quwatlawda mámleketlik uyımlar menen sociallıq sheriklikti kúsheytiw.
«Ádillik nızam ústinliginde», «Xalıq múrájatlari – turaqlı itibarda» súrenleri astında nızam hújjetleriniń orınlanıwı hám mámleketlik uyımalardıń jumısı ústinen jámiyetlik qadaǵalawdıń nátiyjeli mexanizmlerin hám ámeliyatın rawajlandırıw.
Huqıq qorǵaw uyımları janındaǵı veteranlar keńeslerin jámlespegen hám tárbiyası qıyın jaslar menen islesiwge keńnen tartıw, olardıń nızamlı máplerin, niyetlerin júzege shıǵarıw.
«Men Ózbekstan Respublikası Konstituciyasın úyrenemen» súreni astında hár qıylı kórgizbeli materiallar tayarlaw hám tarqatıw.
Mámleketlik grant ajıratılıwı ushın tómendegi hújjetlerdi usınıwı zárúr:

Shólkem basshısı tárepinen qol qoyılǵan hám mór menen tastıyıqlanǵan jollama xatı.
www.fundngo.uz veb-saytında jaylastırılǵan túrde toltırılǵan mámleketlik grant joybarı ushın arza.
Sońǵı ózgerisler hám qosımshalar menen mámleketlik dizimnen ótken MKShler hám puqaralıq jámiyetiniń basqa da institutları Ustavı (Reje)nıń nusqası.
Shólkemniń mámleketlik dizimnen ótkenligi haqqındaǵı gúwalıqtıń nusqası.
5.Eger joybardı ámelge asırıw licenziyalanatuǵın jumıstı talap etse, onda licenziyanıń nusqası usınıladı.

Mápdar mámleketlik hám jámiyetlik shólkemlerdiń ótinishleri, usınısları qosımsha etiliwi múmkin.
Bir joybar ushın ajıratılatuǵın grant muǵdarı – 30 million sumǵa shekem.

Hújjetler 2018-jıl 15-marttan 20-aprelge shekem qabıllanadı.

Hújjetler «Ózbekstan Respublikası Oliy Majlisi janındaǵı MKSh lerdi hám puqaralıq jámiyetiniń basqa da institutların qollap-quwatlaw jámiyetlik qorı» atına «Ózbekstan pochtası» arqalı jiberiletuǵın mórlengen konvertlerde (A4 formatta) tómendegi mánzil boyınsha qabıl etiledi: 100163, Tashkent qalası, Islam Kárimov kóshesi, 43-jay.

Hújjetlerdi usınıw shártleri hám úlgileri menen Oliy Majlis janındaǵı Jámiyetlik qordıń www.fundngo.uz veb-saytında tanısıw múmkin.

Maǵlıwmat ushın telefonlar: (0-371) 239-26-76, 239-26-86.