Nókis qalası hákiminiń investiciyalar, innovaciyalar, menshiklestirilgen kárxanalarǵa kómeklesiw hám kishi sanaat zonaları jáne turizmdi rawajlandırıw máseleleri boyınsha orınbasarı lawazımına Qudiyarov Polatbek Azatovich tayınlandı. Bul haqqında qala hákimliginiń rásmiy veb-saytı xabar bermekte.
Bul tayınlaw Qaraqalpaqstan Respublikası Konstitutciyası 81-statyasınıń 6-bánti hám «Jergilikli mámleketlik hákimiyat haqqında»ǵı Qaraqalpaqstan Respublikası Nızamınıń 18-statyasına muwapıq Qaraqalpaqstan Respublikası Joqarǵı Keńesi baslıǵınıń 2018-jıl 28-fevral kúngi 379-B sanlı biyligi tiykarında ámelge asırıldı.
Qaraqalpaqstan xabar agentligi