![](https://cdn.uza.uz/2023/01/16/07/29/CXdjV2GUjVBA3DP4dW1S361HUxR6xKuu_front.png)
Niderlandiyaning Veyk-an-Ze shahrida shaxmat bo‘yicha davom etayotgan “Tata Steel Chess” turnirining ortda qolgan 2-tur o‘yinlaridan keyin 1,5 ochko jamg‘argan hamyurtimiz Nodirbek Abdusattorov, norvegiyalik Magnus Karlsen, xitoylik Din Lijen va niderlandiyalik Anish Giri peshqadamlik qilishmoqda.
Xabar berganimizdek, iste’dodli shaxmatchimiz Nodirbek musobaqaning 1-turida ruminiyalik Rixard Rapportni mag‘lubiyatga uchratdi. 15 yanvar kuni kechgan 2-turda Abdusattorov amerikalik Fabiano Karuana bilan murosa yo‘lini tanladi. Amaldagi jahon chempioni Magnus Karlsen esa ushbu turda germaniyalik Vinsent Kaymerni mag‘lubiyatga uchratdi.
![](https://cdn.uza.uz/2023/01/16/07/29/RDpR1WFjzjh2v2vvrkmTNLjBrXP1qvxK_front.png)
2-turda shuningdek, quyidagi natijalar qayd etildi:
Uesli So (AQSH) – Arjun Erigaysi (Hindiston) 1/2, Levon Aronyan (AQSH) – Rameshbabu Pragnanandxa (Hindiston) 1/2, Din Lijen (Xitoy) – Parxam Magsudlu (Eron) 1/2, Anish Giri (Niderlandiya) – Dommardju Gukesh (Hindiston) 1-0, Yorden van Forest (Niderlandiya) – Rixard Rapport (Ruminiya) 1/2.
![](https://cdn.uza.uz/2023/01/16/07/29/TLNGQBa9Scz4KZEQ3odYkoIONcTuC0PN_front.png)
Bugun, 16 yanvar kuni 3-tur bahslari bo‘lib o‘tadi.
T.Ro‘ziyev,
O‘zA