Angrenda zamonaviy temir yo‘l vokzali barpo etildi

O‘zbekiston Respublikasi Prezidenti Shavkat Mirziyoev 1 iyun kuni Toshkent viloyatining Angren shahriga tashrif buyurdi. 
Davlat rahbarining avvalgi tashrifi chog‘ida belgilab berilgan vazifalar asosida Angrenda ulkan bunyodkorlik ishlari amalga oshirildi. “O‘zbekiston temir yo‘llari” aksiyadorlik jamiyati tomonidan Angren temir yo‘l vokzali barpo etildi.
Angren transport kommunikatsiyalari jihatidan muhim strategik hudud. Toshkentni vodiy bilan bog‘lovchi temir yo‘l qurilganidan keyin uning ahamiyati yanada ortdi. Lekin vokzal yo‘qligi bois yo‘lovchilar uzoq stansiyalarga borishga majbur bo‘lardi. Yangi vokzal shahar aholisi va turistlar uchun katta qulaylik yaratadi.
Vokzalda bir vaqtning o‘zida 100 yo‘lovchiga xizmat ko‘rsatish imkoniyati mavjud. Kutish zali, ona va bola xonasi, tibbiy punkt, ovqatlanish va savdo shaxobchalarida barcha sharoit yaratilgan.
475573b7-328f-fa20-5d01-30c06198953c.jpg
Prezidentimiz vokzalda yo‘lovchi va xizmatchilar uchun yaratilgan qulayliklarni ko‘zdan kechirdi.
a9e60221-8549-714e-2630-c2ba37e5baa4.jpg
Shu yerda Toshkent viloyatida turizm, energetika, kimyo, metallurgiya sohalaridagi istiqbolli loyihalar taqdimoti o‘tkazildi.
8d0d12c1-cd91-1690-33c1-9cbde760d4ca.jpg
Prezidentimiz «Chorvoq» erkin turistik zonasida xalqaro dam olish maskanlari, Beldirsoy, Chimyon va Nanay hududlarida Fransiya kompaniyalari konsorsiumi ishtirokida tog‘-chang‘i kurorti barpo etish loyihalariga alohida ahamiyat qaratdi.
91271d62-9b00-f66e-409d-f4760b42405f.jpg
266980e5-a28c-79ae-925f-9ddfd6a3027b.jpg
5fe0465e-ae6d-e124-95c8-db7a642c4baa.jpg
d8673ba2-4e68-ad9c-9b0f-aa1db8b8d3dc.jpg
b319a641-e792-0254-5ade-e2ec16fe966c.jpg
4998c7da-fac1-098d-c151-7e0c03a23505.jpg

 

O’zA