Mazkur dasturga asosan, Namangan viloyatida 2019-2020 yillarda umumiy qiymati 2,8 milliard dollar boʻlgan 1 ming 400 dan ortiq investitsiya loyihasi amalga oshirilishi belgilangan.

Davlatimiz rahbari ushbu loyihalar 39 mingta doimiy ish oʻrni yaratish, 1,1 milliard dollar toʻgʻridan-toʻgʻri xorijiy investitsiya jalb qilish va oʻzlashtirishni taʼminlashini alohida taʼkidladi.

Shuningdek, viloyatda “Har bir oila – tadbirkor” dasturini amalga oshirish uchun 1 trillion soʻm ajratilishi maʼlum qilindi. Bu mablagʻlar hisobiga viloyatda oilaviy tadbirkorlikni qoʻllab-quvvatlashning yangicha tizimi joriy etiladi.

Namangan viloyatidagi tuman markazlarini obod maskanlarga aylantirish maqsadida har bir tumanga 20-25 milliard soʻmdan, “Obod qishloq” va “Obod mahalla” dasturlariga kiritilgan qishloqlar va mahallalarga qoʻshimcha ravishda 2 milliard soʻmdan ajratilishi taʼkidlandi.

Bu haqda Prezident Matbuot xizmati maʼlum qildi.