Hamkorlarimiz sahifalarida

Dubay press-klubi Birlashgan Arab Amirliklar axborot agentligi (WAM) bilan hamkorlikdagi media-trening dasturi bo‘lmish “Samaradorlik” (Kafaa) ishtirokchilarini kutib oldi. Delegatsiya press-klub missiyasi, mahalliy, mintaqaviy va xalqaro ommaviy axborot vositalariga xizmat ko‘rsatishga qaratilgan dasturlar va tashabbuslar bilan tanishdi.

Klub rahbari doktor Maysa Buxumaid xonim ishtirokchilarni qutlar ekan, axborot agentligi bilan mustahkam hamkorlik o‘rnatilganini ta’kidladi. U Kafaa dasturini yuqori baholab, dasturning maqsadi klubning mahalliy OAV mutaxassislari imkoniyatini kengaytirish, ularni rag‘batlantirish haqidagi qarashlari bilan mos kelishini qayd etdi.

“WAM” yangiliklar mazmuni bo‘yicha ijrochi direktori vazifasini bajaruvchi Abdulloh Abdul Karim to‘rt oylik tahsildan iborat dastur nafaqat universitet bitiruvchilarini jalb kiladi, balki abituriyentlarga media sohasi bo‘yicha malaka oshirish, o‘z qobiliyatini rivojlantirish imkonini beruvchi professional seminarlarni ham o‘z ichiga oladi. Yosh mutaxassislar arab va ingliz tillarida yangilik, badiiy mahsulot, reportaj tayyorlash, surat olish, tahrirlash, iqtisodiyot, sport va boshqa yo‘nalishlarga oid qisqa xabarlar uzatish, kontent sanoati, raqamli media, ijtimoiy platforma, video montaj va televideniye bo‘yicha saboq oladilar.

Muharrama Pirmatova,

O‘zA