![](https://cdn.uza.uz/2022/12/10/08/00/zjS1QnsMltgUh2mBt0iDILGLdkF2mrQm_front.jpg)
10 dekabr – O‘zbekiston Respublikasi Davlat madhiyasi qabul qilingan kun. Adliya vazirligi tomonidan davlatlarda qabul qilingan madhiyalar borasida ayrim qiziqarli savollar yuzasidan quyidagi ma’lumotlar taqdim etildi.
SAVOL: O‘zbekiston Respublikasi Davlat madhiyasining ijro etilishi Davlat bayrog‘ining ko‘tarilishi bilan birgalikda amalga oshirilsa, hozir bo‘lgan kishilar qanday tartibda turadi?
JAVOB: Yuzi bilan bayroqqa qaragan holda turishi lozim.
SAVOL: O‘zbekiston Respublikasi Davlat madhiyasi qanday tartibda tinglanadi?
JAVOB: Tik turib va o‘ng qo‘l kaftini ko‘krakning chop tomoniga qo‘yib.
SAVOL: O‘zbekiston Respublikasidagi saylov va referendum kunlari ovoz berish o‘tkaziladigan binolarda Davlat madhiyasi soat nechada ijro etiladi?
JAVOB: Ertalab soat 8:00 da.
SAVOL: “O‘zbekiston Respublikasining Davlat madhiyasi to‘g‘risida”gi qonunning ijro etilishi ustidan nazorat qaysi organ tomonidan amalga oshiriladi?
JAVOB: Ichki ishlar organlari.
SAVOL: Qaysi davlat eng qisqa madhiyaga ega?
JAVOB: Yaponiya.
SAVOL: Qaysi davlatda madhiya to‘rt tilda ijro etiladi?
JAVOB: Shvetsariyada.
SAVOL: Qaysi mamlakatning madhiyasi Nobel mukofoti sovrindori tomonidan yozilgan?
JAVOB: Hindiston.
SAVOL: O‘zbekiston Respublikasi Davlat madhiyasini harbiy yoki davlatning boshqa xizmatidagi maxsus kiyimdagi shaxslar qanday tartibda tinglaydi?
JAVOB: Qo‘lini boshiga qo‘yib.
SAVOL: Qaysi mamlakat madhiyasining matni mavjud emas?
JAVOB: Ispaniya.
SAVOL: O‘zbekiston Respublikasi Davlat madhiyasining matni o‘zgartirilib aytilishi mumkinmi?
JAVOB: O‘zgartirilmaydi.
O‘zA