10 декабрь – Ўзбекистон Республикаси Давлат мадҳияси қабул қилинган кун. Адлия вазирлиги томонидан давлатларда қабул қилинган мадҳиялар борасида айрим қизиқарли саволлар юзасидан қуйидаги маълумотлар тақдим этилди.
САВОЛ: Ўзбекистон Республикаси Давлат мадҳиясининг ижро этилиши Давлат байроғининг кўтарилиши билан биргаликда амалга оширилса, ҳозир бўлган кишилар қандай тартибда туради?
ЖАВОБ: Юзи билан байроққа қараган ҳолда туриши лозим.
САВОЛ: Ўзбекистон Республикаси Давлат мадҳияси қандай тартибда тингланади?
ЖАВОБ: Тик туриб ва ўнг қўл кафтини кўкракнинг чоп томонига қўйиб.
САВОЛ: Ўзбекистон Республикасидаги сайлов ва референдум кунлари овоз бериш ўтказиладиган биноларда Давлат мадҳияси соат нечада ижро этилади?
ЖАВОБ: Эрталаб соат 8:00 да.
САВОЛ: “Ўзбекистон Республикасининг Давлат мадҳияси тўғрисида”ги қонуннинг ижро этилиши устидан назорат қайси орган томонидан амалга оширилади?
ЖАВОБ: Ички ишлар органлари.
САВОЛ: Қайси давлат энг қисқа мадҳияга эга?
ЖАВОБ: Япония.
САВОЛ: Қайси давлатда мадҳия тўрт тилда ижро этилади?
ЖАВОБ: Швецарияда.
САВОЛ: Қайси мамлакатнинг мадҳияси Нобел мукофоти совриндори томонидан ёзилган?
ЖАВОБ: Ҳиндистон.
САВОЛ: Ўзбекистон Республикаси Давлат мадҳиясини ҳарбий ёки давлатнинг бошқа хизматидаги махсус кийимдаги шахслар қандай тартибда тинглайди?
ЖАВОБ: Қўлини бошига қўйиб.
САВОЛ: Қайси мамлакат мадҳиясининг матни мавжуд эмас?
ЖАВОБ: Испания.
САВОЛ: Ўзбекистон Республикаси Давлат мадҳиясининг матни ўзгартирилиб айтилиши мумкинми?
ЖАВОБ: Ўзгартирилмайди.
ЎзА