Нөкис қаласы 2-санлы спорт мектебинде спорттың Таэквондо WT түринен 14 ҳәм 17 жасар жас өспиримлер ҳәм қызлар арасында Қарақалпақстан кубоги болып өтти.
Жарысқа Нөкис қаласы ҳәм барлық районнан спортшылар қатнасып, өз- өра күш сынасты.
Қызғын беллесиўлерге толы болған жарыс жуўмағында, командалық есапта биринши орынды Нөкис олимпия ҳәм паралимпия спорт түрлерине таярлаў орайы командасы ийеледи.
Екинши ҳәм үшинши орынлар Нөкис қаласындағы 1-санлы спорт мектеби менен Хожели районы спорт мектеби командаларына несип етти.
Жарыс соңында жеңимпаз спортшылар шөлкемлестириўшилер тәрепинен таярланған кубок, диплом ҳәм медальлар менен сыйлықланды.
Қарақалпақстан хабар агентлиги