Бүгин Азия ойынларының бокс беллесиўлери қызғын даўам етпекте.
-80 кг салмақта рингке көтерилген сайланды командамыз ағзасы Тўрабек Ҳабибуллаев 1/8 финальда Саудия Арабстаны боксшиси менен ушырасып, оны 1-раунд-ақ техник нокаутқа ушыратыўға еристи.
Сондай-ақ, бокс бойынша ҳаял-қызлар сайланды командасы ағзалары Ситора Турдибекова 1/8 финальда пакистанлы Фатима Заҳраны жеңип, шерек финальға шықты.
Ал, Сабина Бобоқулова болса, шерек финальда қытайлы Ю Вудан 0:5 есабында, Лазизбек Мулложонов қытайлы Хуежен Ханнан 1:4 есабында жеңилип қалды.
Адилбай Оразов,
Қарақалпақстан хабар агентлиги шолыўшысы