Ханчжоу-2022 Азия ойынлары даўам етпекте.
Оқ атыў бойынша Өзбекстан командасы Азия ойынларында делегациямыз есабына және бир медальды жаздырып қойды.
Бүгин оқ атыў бойынша делегациямызға және бир медаль алып келинди. Владимир Свечников 10 метрге пневматик пистолеттен атыў бағдарламасында қола медалына ийе болды.
Сондай-ақ, бүгин Спорт гимнастикасы бойынша бир неше жерлеслеримиз медальлар ушын гүрес алып барады. Атап айтатуғын болсақ, ер-жигитлер арасында таянып секириў бойынша жерлеслеримиз Ҳ.Исломов, А.Темирханов, Р.Комилжонов, ҳаял-қызлар арасында О.Чусовитина финальда қатнасады. Соның менен бирге, У-23 жастағы футболшыларымыз шерек финальға шығыў ушын Индонезияға қарсы ойнайды. Бүгинги бағдарламада суў полосы, бокс спорт түрлери бойынша да жерлеслеримиз медальлар ушын гүрес алып барады.
Қарақалпақстан хабар агентлиги