Елликқала районында аймақтағы мәкеме, кәрхана ҳәм шөлкемлерде ислеўши хызметкерлер арасында киши футбол бойынша район ҳәкиминиң кубоги ушын жарыс шөлкемлестирилди.
Кескин түрде өткен ойынлар жуўмағында, районлық Ишки ислер бөлими командасы биринши, Абаданластырыў бөлими хызметкерлери екинши ҳәм 1-санлы спорт мектеби командасы үшинши орынларды ийелеўге миясар болды.
Жарыс соңында жеңимпаз командалар район ҳәкими Сейдамет Авезов тәрепинен мүнәсип түрде сыйлықланып, 1-орын ийесине Ҳәким кубоги тапсырылды.
Адилбай Оразов,
Қарақалпақстан хабар агентлиги шолыўшысы