Алдын хабар бергенимиздей, усы жылдың 22-28-май күнлери аралығында Непал пайтахты Катманду қаласында волейбол бойынша ҳаял-қызлар арасында Азия Челлендж кубоги жарыслары болып өтпекте.
Халықаралық жарысқа спорт ветераны, бас тренери Азат Казаков басшылығындағы Өзбекстан сайланды командасы қурамында Қарақалпақстан Республикасынан – Әжинияз атындағы Нөкис мәмлекетлик педагогикалық институты студентлери Гүлмира Қулымбетова, Надира Рейимбаева, Гүлбазар Нуранова, Азиза Жолдасбаевалар қатнаспақта.
Жарыстың дәслепки күни Өзбекстан сайланды командасы Шри-Ланка менен ойнады ҳәм 3:0 есабында толық үстинликке ийе болды.
Келеси турларда командамыз Мальдив ҳәм Қазақстан командалары менен жарысқа түседи.
Сайланды командамызға жарыста әўмет тилеп қаламыз!
Қарақалпақстан хабар агентлиги