Бердақ атындағы Қарақалпақ мәмлекетлик университети Мәлимлеме-ресурс орайы тәрепинен студент-жаслар арасында китапқумарлық мәдениятын раўажландырыў мақсетинде барлық факултетлерде көшпели китап көргизбеси шөлкемлестирилип келинбекте.
Усы жылдың 28-31 март күнлери аралығында Қарақалпақ филологиясы ҳәм журналистика, өзбек филологиясы ҳәм шет тиллер факультетлеринде тараўға тийисли ҳәм көркем әдебиятлардан көргизбе шөлкемлестирилип, жасларды орайдағы бар әдебиятлар менен таныстырып барды.
Бул көргизбени шөлкемлестириўдеги мақсет жаслардың бос ўақытларын мазмунлы өткериў, сондай-ақ, олардың билим алыўы ушын көбирек өзлериниң имканиятлары менен билимлерин жетилистириўге хызмет ететуғын китапларды үгит -нәсиятлаў болып табылады.
Хамре Қдырбаева,
ҚМУдың Интернет журналистикасы
тәлим бағдарының 4-курс студенти.
Қарақалпақстан хабар агентлиги