Пекин қаласында өтип атырған қысқы Олимпиада ойынларыныӊ хоккей жарысларында шерек финал ушырасыўлары өз жуўмағына жетти.
Олардыӊ биринде Финляндия ҳәм Швейцария сайланды командалары өз-ара ушырасып, онда 5-1 есабында финлер жеӊиске ерискен болса, Швециялылар Олимпиада ойынларында жеӊимпазлыққа тийкарғы даўагер Канада сайланды командасын 2-0 есабында жеӊилиске ушыратты.
Енди 18-февраль күни болып өтетуғын ярым финал ушырасыўларында Россия Олимпиада комитети командасы Швеция сайланды командасы менен, ал, Финляндия болса, Словакия менен финаль жолламасы ушын өз-ара гүрес алып барады.
Еслетип өтемиз, канадалы хоккейшилер соӊғы 16 жыл ишинде Олимпиада ойынларында медальсыз қалды.
Адилбай Оразов,
Қарақалпақстан хабар агентлиги шолыўшысы.